Сүүлийн үед барилгын компаниудын хөдөлмөр аюулгүй байдал анхаарал татах боллоо. Барилга дээр ажиллаж байгаа иргэд унаж амь насаа алдах тохиолдол гарсаар байна. Тодруулбал : ХУД-т байрлах "Монноос" үйлдвэрийн хуучин барилгын гурван давхарт плитаа хуулах ажил хийж байсан "Батжих ХХК"-ний туслах ажилтан 31 настай Б унаж амь насаа алджээ. Ийнхүү залуус нь барилга дээр ажиллаж байгаад хөдөлмөр аюулгүй байдлаа сайн хангаагүй, хангуулаагүй байгууллагын буруугаас болж нас барсаар байна.