Засгийн газрын шийдвэрээр Хөтөлийн “Цемент шохой” ХК-ийн хувьчлалыг хүчингүй болгож, тус үйлдвэрийг төрийн өмчид авч буйтай холбогдуулан захирлаар нь эдийн засагч Л.Наранбаатарыг томилсон. Харин “Цемент шохой” ХК-ийн удирдлагууд болон хуулийн зөвлөх нар тус шийдвэрийг хүлээж авахгүй гэдгээ илэрхийлээд буй.



Хөтөлийн цемент шохойн ХК-ийн гүйцэтгэх захирал н.Чинбат: Үйлдвэрийн жигд ажиллагааг би хариуцна. Би энэ өмчийн эзэн биш. Тиймээс хувьцаа эзэмшигчийн өмчийг хувь мэдэн төрд шилжүүлэх үүрэг надад байхгүй. Хуулийн дагуу л бүх юм явах ёстой. Өмчлөгчийн өмгөөлөгчийн зүгээс зөвшөөртөл би ажлаа өгөхгүй.


Төрийн өмчийн бодлого зохицуулалтын газрын дарга Б.Цэнгэл: Хууль ёсны өмчлөгч байхгүй. Ярьдаг газраа ярина. Хоёр цагийн дотор ажлаа хүлээлгэж өгөхгүй бол дараагийн арга хэмжээ авна гэдгээ илэрхийллээ.